നവകേരള സദസ്സിന് മുന്നോടിയായി മരങ്ങാട്ടുപിള്ളി ഗ്രമപഞ്ചായത്തിൽ വിളംബര റാലി നടത്തി. കുറിച്ചിത്താനം കവലയിൽ നിന്നാരംഭിച്ച റാലി മരങ്ങാട്ടുപിള്ളി കുരിശുപള്ളി കവലയിൽ സമാപിച്ചു.ഗ്രാമപഞ്ചായത്ത് പ്രസിഡൻ്റ് ബെൽജി ഇമ്മാനുവലിൻ്റെ അദ്ധ്യക്ഷതയിൽ ചേർന്ന യോഗത്തിൽ ഉഴവൂർ ബ്ലോക്ക് പഞ്ചായത്ത് വൈസ് പ്രസിഡൻ്റ് ഡോ. സിന്ധുമോൾ ജേക്കബ് ഉദ്ഘാടനം ചെയ്തു. വൈസ് പ്രസിഡൻ്റ് ഉഷാ രാജു , ജില്ലാ പഞ്ചായത്തംഗം പി. എം മാത്യു, ബ്ലോക്ക് പഞ്ചായത്ത് സ്ഥിരം സമിതി ചെയർമാൻ P.N രാമചന്ദ്രൻ, മരങ്ങാട്ടുപിള്ളി സർവ്വീസ് സഹകരണ ബാങ്ക് പ്രസിഡൻ്റ് എം. എം തോമസ് , ഗ്രാമപഞ്ചായത്ത് സെക്രട്ടറി ശ്രീകുമാർ എസ്. കൈമൾ , സി. ഡി. എസ് ചെയർപേഴ്സൺ ഉഷാ ഹരിദാസ് എന്നിവർ സംസാരിച്ചു. ഗ്രാമപഞ്ചായത്ത് അംഗങ്ങൾ, സഹകരണ ബാങ്ക് ഡയറക്ടർ ബോർഡ് അംഗങ്ങൾ, വിവിധ രാഷ്ട്രീയ, സാമൂഹ്യ, സംഘടനാ നേതാക്കൾ , വ്യാപാരി വ്യവസായി സംഘടനാ ഭാരവാഹികൾ , സി. ഡി. എസ് ഭാരവാഹികൾ, ഉദ്യോഗസ്ഥ മേധാവികൾ തുടങ്ങിയവർ നേതൃത്വം നൽകിയ റാലിയിൻ ആയിരത്തോളം പേർ പങ്കെടുത്തു.
